Pleno solicitado polo Partido Popular para aprobar unha baixada de impostos.
O grupo municipal do Partido Popular de Coristanco ven de solicitar a celebración dun pleno extraordinario para adoptar acordos sobre o Imposto de Bens Inmobles(I.B.I.) ante a falta de iniciativa e o clima de confusión creado polo alcalde Amancio Lavandeira.
Desde o Partido Popular propoñemos que se realice unha
bonificación do 90% na cota íntegra dos bens inmobles urbanos vinculados a actividades
de uso agrícola e gandeiro e a redución do tipo de gravame do imposto ó 0,45% aos
bens de natureza urbana e ó 0,70% aos bens de natureza rústica.
Desde o Partido Popular consideramos que se trata dunha
iniciativa beneficiosa para os coristanqueses e amplía a proposta inicial que
foi rexeitada en pleno polo goberno local. Agora chegou o momento de que o sr.
alcalde Amancio Lavandeira se deixe de demagoxias e discursos baleiros e diga
se apoia esta baixada de impostos ou pola contra vai a continuar gobernando en
dirección contraria ás demandas do pobo.
Tamén é unha boa ocasión para ver se o BNG e o PSOE votan a
favor desta medida ou prefiren actuar de soportes dun alcalde que manda a golpe
de capricho. Agardamos que Terra Galega, BNG e PSOE respalden a proposta do
Partido Popular, porque senón terían que dar moitas explicacións aos veciños sobre
o seu rexeitamento a unha demanda social que existe neste municipio.
Lembramos que esta é a terceira vez porque o goberno xa rexeitou unha moción parecida do PP, e tamén se posicionou en contra noutro pleno extraodinario solicitado polo noso grupo.
Lembramos que esta é a terceira vez porque o goberno xa rexeitou unha moción parecida do PP, e tamén se posicionou en contra noutro pleno extraodinario solicitado polo noso grupo.
Lamentamos que teña que ser o PP o que teña que tomar a
iniciativa pola inoperancia do goberno, pero actuamos con responsabilidade e
estaremos moi satisfeitos se a nosa proposta se aproba.
No hay comentarios:
Publicar un comentario